• Measúnú a dhéanamh ar na pleananna forbartha agus na pleananna ceantair áitiúil ó údaráis áitiúla agus ar na straitéisí spásúla agus eacnamaíocha ó thionóil réigiúnacha agus comhairle reachtúil a eisiúint chuig na húdaráis sin chun comhsheasmhacht le beartais ábhartha náisiúnta agus réigiúnacha agus le ceanglais na reachtaíochta pleanála agus an dea-chleachtais phleanála a chinntiú;• Athbhreithniú a dhéanamh ar an dóigh a gcomhlíonann údaráis phleanála agus an Bord Pleanála a bhfeidhmeanna pleanála, lena n-áirítear measúnú a dhéanamh ar an mbaol go mbeadh drochriarachán nó éilliú ann. Níl aon ról ag an Oifig, áfach, maidir leis na feidhmeanna sin atá ag údaráis áitiúla agus ag an mBord Pleanála i ndáil le breithniú a dhéanamh ar aon iarratais phleanála aonair nó ar aon achomhairc a dhéantar ina leith, maidir le haon chásanna atá á mbreithniú ag an Ombudsman nó ag an gcóras ceartais choiriúil ná maidir le haon chásanna atá faoi athbhreithniú breithiúnach; agus• Gníomhaíochtaí náisiúnta taighde agus cláir oideachais, oiliúna agus feasachta poiblí a bhrú chun cinn chun tacú leis an dea-chleachtas a chur i bhfeidhm i bhfeidhmeanna agus gníomhaíochtaí pleanála.